தேடல்

கவிபேரரசு வைரமுத்து அவர்களின் வரிகளில் என்றும் என் மனம் கவர்ந்தவை .....

"உயிர் ஒன்று இல்லாமல் உடல் இங்கு நிலையாதே
உயிர் என்ன பொருள் என்று அலை பாய்ந்து திரியாதே
வாழ்கையின் வேர்களே மிக ரகசியமானது
ரகசியம் காண்பதே நம் அவசியமானது 
தேடல் உள்ள உயிர்களுக்கே தினமும் பசி இருக்கும்
தேடல் என்பது உள்ளவரை வாழ்வில் ருசி இருக்கும் 
பாடல் போல தேடல் கூட ஒரு சுகமே"

தேடல் என்பது அற்புதம். தேடல் மிகும் சுகமானதே. தேடல் பலவகை. எல்லோருக்கும் ஒவொரு வகை. விளையாட்டாக அம்மா ஒளிந்துகொண்டல் அம்மாவை தேடும் குழந்தையின் தேடலில் ஒரு தவிப்பு இருக்கும். என்னதான் விளையாட்டு என்றாலும் அந்த தவிப்பை கண்ட தாயின் உள்ளம்,  உடனே ஓடி சென்று அந்த குழந்தையை வாரி அணைக்கும். அந்த தருணம் தேடல் இருவருக்குமே பரஸ்பரம் சந்தோஷத்தை கொடுக்கிறது, மீண்டும் தேட தோன்றுகிறது. அந்த விளையாட்டு தொடர்கிறது.

எனக்கு தெரிந்து தேடல் இருவகை. முதல் வகை தேடுதல் என்பது ஒரு எதிர்பார்ப்பு. எதிர்பார்ப்பு என்பது என்ன ? ஒரு செயலின் தொடக்கத்தில் யோசிக்கும் முடிவுதான் எதிர்பார்ப்பு. ஒரு செயலை சிறப்பாக செய்து முடிக்க அந்த செயலை பற்றிய சிந்தனைகளும், அதன் வழிமுறைகளும் சரியான முறையில் தெரிந்துருப்பது அவசியம். அப்படி இல்லையெனில் வழிமுறைகள் தேடதொடங்கும் பொழுது எதிர்பார்த்த முடிவு கிடைப்பதில் காலதாமதம் ஆகலாம், வேறு முடிவு கிடைக்கலாம், முடிவே கிடைக்காமலும் இருக்கலாம். இது வெளி தேடல். இந்த தேடலின் முடிவில் வெற்றி கிடத்தல் சந்தோஷம். இல்லையெனில் தேடல் வெற்றி கிடக்கும் வரை தொடர்கிறது . இந்த வெளி தேடலில் வெற்றி கிடைத்தபின், மற்றொரு புதிய தேடல் ஆரம்பமாகிறது. முன் கிடைத்த தேடலின் வெற்றியை இந்த தேடலுக்கு ஊக்கம் தருகிறது. மேலும் மேலும் வெளி தேடல் தொடர்கிறது. ஒரு கட்டதில் இந்த வெளி தேடலில் அயர்ச்சி ஏற்படுகிறது. உடல் தளர்கிறது. பிறகு ஒரு கட்டத்தில் இந்த தேடல் முடிவடைகிறது.

இரண்டாவது தேடல் என்பது தன்னை தேடுவது, தன்னுள் தேடுவது, இது உள் தேடல். குழந்தையின் தேடல் அம்மாவை சுற்றியே இருக்கும். வேற எந்த ஒரு எதிர்பார்ப்பும் அதற்கு இல்லை. அந்த குழந்தையின் மழலை மொழி அந்த தாய்க்கு மட்டும்மே தெரிந்த ரகசிய சம்பாஷனைகள். குழந்தைக்கு எப்போது பசிக்கும், குழந்தை ஏன் அழுகிறது , குழந்தையின் தேவை என்ன என்று அனைத்தும் அறிந்தவள் தாய். அதேபோல எந்த எதிர்பார்ப்பும் இன்றி தன்னை தேடுவது என்பது குழ்தையின் தேடல் போல. தன்னுள் சென்று தன்னை சுற்றி அறியும் தேடல். இந்த தேடல் முடிவு உடனடியாக கிடைப்பதில்லை .எதை தேடுகிறோம் என்று அறிந்து கொள்வதற்கே நமக்கு அதிக சமயம் தேவை.படுகிறது. அந்த தேடலில், சரியான பாதையில் நம்மை வழி நடத்தி செல்ல குருவின் அருள் மிகவும் அவசியம். குழந்தையின் மழலை மொழி போல நமக்குள் இருக்கும் அணைத்து கேள்விகளுக்கும் குருவின் பதில் நம் தேடலை மிக சிறப்பாக  நல்வழிபடுதும். இந்த தேடலில் உடல் தளர்ந்தாலும், உள் தேடல் சக்தியில் என்றும் ஒரு பிரகாசம் இருக்கும், சந்தோஷம் நிறைந்துருக்கும். அந்த சக்தி நம்மை சிறந்த முறையில் நல்வழி படுத்தும்.

தேடல் தொடரும்....


நட்புடன்
கண்ணன்